رأي العلم فى (فيروس كورونا والصيام)

أكيد كلكم سمعتو على الصراع اللي كان في التلفزيون على صيام رمضان و ال covid-19 وظهر رأي للمفتي وقال فيه أن إحنا اجتمعنا مع لجنة من الاطباء وإتكلمه على ان مفيش علاقة بين الصيام وبين المناعة بالعكس في ادوار كبيرة ممكن تكون للصيام على تقوية او تحسين لان احنا اتفقنا ان مفيش حاجة اسمها تقوية لتحسين جهاز المناعة وظهر اراء وصراعات كتيرة الى ان حسمها دكتور جون جبور والذي كان ممثلا لمنظمة الصحة العالمية وظهر قال بشكل قطعي ورئيسي ونهائي ان منظمة الصحة العالمية مفيش اي دراسات بتثبت العلاقة بين الصيام وبين العدوى بال covid-19 وكان رأيه بيقول  ان الحالة النفسية للناس في الوقت ده ممكن تبقى ليها دور كبير جدا جدا في تحسين جهاز المناعة والحقيقة انا بشكل شخصي عجبني جدا دكتور جون جبور في رايه ده لانه مش مسلم وحسم القضية وما اصطدش في المياه العكرة زي ناس كتير جدا قالت انه يعني مفيش صيام وده يزود العدوى ومعرفش ايه , بعد دكتور جون جبور عايز أقلكم على دكتور إسمه دكتور اوسومي ده دكتور ياباني خد جائزة نوبل سنة 2016 عشان اكتشف حاجة اسمها اوتو فيش,  الاوتو فيش دي اسمها بالعربي ظاهرة الالتهاب الذاتي وقال فيها ان في حاجة مهمة جدا اسمها ظاهرة الصيام المتقطع وقال ان الصيام المتقطع او ظاهرة الالتهاب الذاتي , لو الجسم صام لفترات من 10 إلي 12 ساعة , ف الجسم يبتدي يعيد بناء نفسه , يبتدي يتخلص من الفضلات اللي موجودة في الخلية , وده بيساهم إن الجسم يتخلص من المواد المسرطنة  .

القران حسم المسألة لأصحاب الأمراض المزمنة ف قال (ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ), ف أصحاب الأمراض المزمنة يرجع للطبيب في المسألة دي ويُحكم الأمر , لكن لو مفيش مرض مزمن , فـ بالعكس ممكن يستفيد الجهاز المناعي أو الجسم عموماً  من الصيام ,لكن حابب أتكلم عن صيام تاني خالص وهو الصيام عن الكلام , حد وهو بيقرأ القران خد باله من نقطة الصيام عن الكلام , هل سمعت السيدة مريم وهي بتقول (فَقُولِي إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا (26)) , أو سيدنا زكريا لما سأل رب العالمين عن الأية فقال (قَالَ رَبِّ اجْعَل لِّي آيَةً ۖ قَالَ آيَتُكَ أَلَّا تُكَلِّمَ النَّاسَ ثَلَاثَةَ أَيَّامٍ إِلَّا رَمْزًا ۗ) , مسألة الصيام عن الكلام فيها رجوع ل حاجة مهمة  جداً جداً , فيها مناجاة , أو إن أنا مبكلمش الناس وبكلم ربنا بس , يعني لو عايز تعرف صفة ل مريم , أو أم مريم , أو سيدنا زكريا في القران هتلاقيها المناجاة , اللي هي نسيب الناس وأكلم رب العالمين , أكلم روحي , الروح دي جزء من رب العالمين , ربنا وضعها في الإنسان ,

ف فكرة أننا نقلل كلامنا  لعلها فايدة من فوايد covid-19 تقلل كلامنا عن البشر , وتتكلم مع رب العالمين , بإسم الله القريب , لأن المفروض الروح أقرب ليك من الناس ,

إيه هي المناجاة ؟؟؟

المناجاة زي مسألة (إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنتَ السَّمِيعُ الْعَلِيمُ (35))

, أي بتتكلم مع ربنا في كل تفصيلة .

كمان زي ما بنقول فوايد الصام عن الأكل والشرب , وفوايد الصيام عن الكلام عن الناس , وترجع لرب العالمين , وتكلمو بإسم الله القريب المجيب , لأن طالما قريب , ف أكيد مجيب , ف لازم تعرف إن الأرض كان لازم تصوم عن البشر ,

وإرجع ل جوجل وإكتب , ثقب الأوزون أخباره إيه , والتلوث أخباره إيه , وأد إيه الأرض خدت نفسها من  البشر , الصيام طول عمره له فوايد , ف في الأديان المختلفة فيه صيام , وصيام مريم وزكريا صيام عن الكلام , وصيام الناس في رمضان صيام عن الأكل , ولعل الأرض بتطلب تصوم عن وجود الناس فيها ,  ف تتنفس وتتجدد  , وظاهرة الأوتو فاجي اللى هي الألتهاب الذاتي مش بس تكون مع البشرأنو يتخلص من الفضلات و  المواد المسرطنة , فلعل الأرض شافتنا بالنسبة لها مسرطنيين ومضرين بها وبثقب الأوزون , وعن التلوث , ف قررت تصوم, وإن شاء الله نفطر كلنا قريباً ونحتفل بنهاية ال covid-19 بس بعد ما نكون إتعلمنا .

وإلي لقاء في مقال أخر إن شاء الله



اكتب تعليق

أحدث أقدم