صورة وتعليق


سنعرض في هذا المقال جزء من حلقة سياستير 28-4-2020
لـ رسام الكاريكاتير م/هاني عبد الجواد 

صورة المسحراتي للراحل –سيد مكاوي:

" الراحل سيد مكاوي أمتعنا بفنه وبأغانييه خاصةً أغنية  المسحراتي التي تعتبر من الأغاني الجميلة فى التراث المصري"
صورة الكنافة: 
"هنا طبعا في الصورة فيه مفارقة, الراجل بتاع الكنافة بيعمل الكنافة على الطاولة بتاعتها , وطبعا الطاولة شكلها مبهجة وفرحانة وسعيدة والجو دايما في رمضان بيبقي جو بهجة , ووانا بعتبر بتاع الكنافة بطل من أبطال رمضان".
الصايم لما يبقي جعان
" الصورة دي بتوضح أن الصايم وهو جعان بيبقي شايف المظلة دي ويكأنها قدرة فول ف هو محتاج يتسحر , محتاج ياكل "
وليمة أول يوم رمضان :
"بتوضح المبالغة من  الناس في وليمة أول يوم رمضان, اللى الناس بتستعد لها إستعداد غير عادي , والناس اللى بتجيب كميات كتير أوي وبترمي منها كتير أوي
والمفروض العكس ان شهر رمضان شهر عبادة , والمفروض الأكل يقل شوية
, والناس علشان إتحرمت من الأكل كام ساعة ف علشان كدة بيبالغو في الأكل
ف اللمة شيء جميل وكل حاجة ,  بس المبالغة في الاصناف عادة مش كويسة"
مدفع رمضان:

" صورة لطيفة جدا (بابا جاب لنا مدفع علشان نفطر ونتسحر براحتنا )

بتوضح أد ايه فرحة الأطفال ب رمضان , والأطفال مش بيستحملو الصيام شوية ف مستعجلين أوي على الفطار , ف خلاص تخيلو ان المدفع خلاص بقي بتاعهم ف يفطرو براحتهم فى اي وقت"


برامج التلفزيون في رمضان:

"المذيعة بتسأله أكتر برنامج بتحبه في رمضان 

ف رد وقال : (أكتر حاجة بحبها من برامج التلفزيون فى رمضان,,, فقرة أذان المغرب)

معني كدة أنو نايم طول النهار ومش شايف حاجة , وبيصحي على المغرب بس

 أجيبلك الكنافة ولا بعد التراويح:
 
"واضح أنو فطر وملي بطنه من الفطار , ف كمان مراته بتقوله , (أجيبلك الكنافة ولا بعد التراويح)"
سبيل ماء:
"فيه سبيل ماء واقتراح على السادة المحسنين الكرام يعملو كمان سبيل تكييف
 وكمان زي ما فيه سبيل ماء , فيه سبيل يلطف على الناس شوية , دايما الفنان بيحاول يظهر ب حاجة جديدة وبحاجة مختلفة"