◄ماهي مجالات شغل قسم اتصالات؟

أنا بعتبر قسم إتصالات جوكر شوية , بمعني أنو يقدر يشتغل الشغل بتاع أقسام تانية , بينما العكس صعب شوية ,
لأن من  خلال دراستك لقسم إتصالات بتدرس ال basicsبتاع اقسام تانية , بتدرس basics كهربا, basics برمجة , وبتدرس communications طبعا  وبتاخد فكرة عن control, وتقدر تشتغل الحاجات دي , اللي أقصده أن قسم اتصالات قسم كويس جدا لأنه بيمسكك العصاية من النص زي ما بيقولو.
 فالبتالي شغل communications أكيد هتدوس فيه , لو حابب ت shift على control مفيش مشكلة ,
الفكرة ان الدراسة في الكلية بتزرع جواك ال basics  بتاعت الدنيا دي كلها . طيب انا عندي ال basics  بتاع الدنيا دي كلها , أمشي فين بقي؟؟

أمشي فين دي لازم تعتمد علي نفسك شوية بحيث تشوف أنهي قسم أنت ميال ليه اكتر.

فالبتالي المطلوب منك كون الـ basics  من الكلية وبعدين إبدأ  نمي مهاراتك لأن الكلية مش هتديك كل حاجة,

فيه مقولة بتقول  (اعرف شيء عن كل شيء , واعرف كل شيء عن شيء)

هي المقولة مش صح 100% ومش غلط 100%

بمعني مفيش مانع أنك تاخد فكرة عن كل تخصص , ف بعد ما تاخد فكرة عن كل حاجة ف هتلاقي نفسك automatically ميال ل حاجة معينة , ف في communications مثلا فيه مجال ال Moblie , وده شغله موجود ومتوفر ,ولو عايز تشتغل في الNetwork  الشغل برضه متاح وكتير , ولو عايز تشتغل في الElectronics برضو متاح ,وكمان embedded system  وشغل microcontroller , لو عايز تمشي في الـ control والـ plc والـ classic control والكلام ده كله ف انت عندك basics  الكهربا , وفيه شغل تاني متاح زي شغل satellite communication وmicrowave هي مش منتشرة أوي ولكن موجود في بعض النطاقات , زي مثلا شركات البترول بتبقي طالبة ناس عندهم فكرة عن satellite communication وmicrowave ده غير شغل ال IT بالاضافة برضه ل شغل programming اللي يعتبر بحر. 
ف قسم اتصالات قسم كويس مش وحش , اهم حاجة انك تتميز فيه.

◄أهم الشهادات المطلوبة في قسم إتصالات
أولاً انت بتخلص الكلية وبتحصل على شهادة اللى من خلالها بتحصل علي لقب مهندس , ومش بالضرورة أن الشهادة بتاع الكلية تدل انك مهندس شاطر ولا مش شاطر .

أهم حاجة وانت بتعمل interview  انك تكون فاهم كويس جداً وتعرف تأدي في الـ interview  مش معني انك certified في course معين  معني كدة انك هتطلب , لأن ببساطة فيه ناس كتير certified وبتروح interview  وفيه ناس بتتقبل  وناس لأ ,

لأنك بمنتهي البساطة بتدخل إمتحان وليكن cisco أصبح للإمتحانات دي dump  ف بتدخل  وتحفظ dump وتعدي

ف ببساطة الشهاددة ممكن تساعدك انك تدخل interview  , اما بالنسبة pass or not , ف هي مش الفيصل خالص. 


◄طيب ايه اهم الكورسات اللى بتذاكرها في مجال الـ Network???
 ◄CISCO

       ● CCNA
       ●CCNP Routing
      ●CCNP Switching 
      ●بعد كدة تنطلق لـ CCNP SP
      ●بعد كدة CCIE 
◄ JUNIPER
     JNCIA

     ●JNCIS

◄طيب بالنسبة للمجال بتاع Mobile, إيه الشهادات المطلوبة؟؟

الاجابة ولأ اي شهادات

أهم حاجة يكون عندك knowledge سواء self study , أو واخدها فى course سواء كورس او واخده في الكلية
 ف المهم أنك تكون عارف معلومات معينة مش مشكلة معاك شهادة في الكورس الفلاني ولا الأ
ف علشان تعرف تأدي في مجال Mobile يبقي على الأقل تكون فاهم كويس Mobile Package course .

بإذن الله في المقالات القادمة هتكلم عن تفاصيل كل قسم ...



 




 

3 تعليقات

إرسال تعليق

أحدث أقدم