قسم الشبكات

طبعاً زي ما إحنا شايفين وعايشين الواقع أن ظروف الحياة قاسية جداً , ف يجي مثلاً خريج  هندسة  يقعد مع حد ويقولو أنا هقولك علي scenario معين وتمشي عليه وهتوصل وهتبقي حاجة ممتازة وراتبك بقي هيوصل 60,000 ويقعد يحمس فيه فـ هو يمسك الكلمتين اللى صاحبنا قالهم له ويمشي وراه  , لكن فيه ناس معندهاش صبر تستعجل الثمرة وعايزة توصل بسرعة مش عارفة إن لازم نمشي بالقاعدة اللى بتقول (((من كانت بدايته محرقة نهايته مشرقة))) ويجي يقولك أنا مشيت زي ما أنت قولتلي وصرفت من عمري وفلوسي وموصلتش مع أنه خلاص يبقي قرب , و فاضله النقطة اللى كسرت الصخرة .
ويجي يقولك أنا زهقت من المحاولة ويقف.

 يجي واحد يبقي نازل من بيته ويقول ياه اليوم ماله كئيب كدة  انا حاسس أن هعمل حادثة النهاردة 
ويعمل حادثة , يجي واحد تاني يقول أنا هذاكر ليه ما فلان ذاكر أهو ومعاه أعلي شهادات في
CISCO, طب هو عمل ايه؟؟؟ وفي الأخر مشتغلش.
يبقي انت اللي بـ تُسيئ الظن بالله أنت اللى بتتوقع الشر.
النقطة التانية الثقة بالنفس.

أنت عندك ثقة في نفسك وبتوفيق ربنا سبحان وتعالى هتوصل

النقطة الثالثة

خليك مؤمن بالنجاح

النجاح هيجي هيجي لان ربنا هو اللي قال كدة

(إِنَّا لَا نُضِيعُ أَجْرَ مَنْ أَحْسَنَ عَمَلًا (30))

وده مش هيخليك توقف زي صاحبنا اللى استعجل الثمرة فـ  وقف


زي ما إحنا شايفين ان العالم في تزايد مستمر ومعدل إستخدامنا للأجهزة وصل ل مليارات الأجهزة ,
 طب الأجهزة دي متحملة على ايه؟؟؟

على البنية التحتية

يمكن ناس كتير متعرفش يعني ايه البنية التحتية , البنية التحتية باختصار شديد

جهازين متصلين ببعض بس فى مكانيين مختلفين.

إزاي؟؟؟؟

جهازالكمبيوتر الخاص بيك بيبقي  متصل على VDSL اللي بتبقي متوصلة على Cabinat, متوصلة على MX Router فى السنترال اللي بيبقي فيه Routers & Switches &Dslams وهكذا......حتي الخروج إلي الإنترنت.
هي دى البنية التحتية ,هى اللى بحمل عليها وبقولها البيانات الفلانية وديها في المكان الفلاني

إذن البنية التحتية مطلوب منها كتير جدا في ظِل 50 مليار جهاز أو اكثر

 لا تتخيل أن 50 مليار جهاز هيدخلو على الإنترنت يبقي الشبكة عاملة إزاي؟؟؟

APPs, programes , data base ,  Server, .....

وفي نفس الوقت لازم سرعة الانترنت تبقي مناسبة , وكلها حاجات هتزود العبء علي مجال الشبكات.
 
◄ف الرسم دي هنبدأ ب بـ جهاز  الكمبيوتر اللي بيتكون من حاجتين Hardware&Software

Hardware(keyboard) &Software(operating system like microsoft)

يعني أيه Server؟؟؟؟

هو جهاز كمبيوتر غير عادي  سواء في Hardware&Software

ف في Server(الرامات اكبر , الHard Disk اكبر , processor أقوي , ممكن يبقي فيهprocessor  2 )

ليه Server إمكانياته عالية؟

لان له دورين:

               ●التحكم في الشبكة وإدارتها 
               ●وبيقدم للأشخاص اللى قاعدين على الشبكة خدمة

مثال: عايزين internet website ف نحط Server ونحط website والناس تبدأ تدخل تتصفح website ده اللى هو متخزن وموجود على Server .

يعني ايه Switch؟؟؟؟

لو عندي مثلا 20 جهاز كميوتر ومعاهم Server , ف Server ده بيتحكم فيهم ويقدملهم كام خدمة كدة , بس إزاي الناس دي هتكلم بعض إزاي؟؟؟

 ف الجهاز اللى هيربط الاجهزة دي مع بعض علشان يبقي بينها شبكة ....Switch

بعد كدة هنتكلم عن Router,,,

Router وظيفته يربط بين شبكة وشبكة

بمعني عندي جامعة وفرع تاني وليكن كلية بس في بلد تاني ف عايزأربط الكلية والشبكة اللى فيها بأجهزتها ب it’s Serversعايز اربطها بالفرع التاني ف في الحالة دى هستخدم Router

بعد ما شوفنا كل جهاز على حدة ووظيفة كل جهاز ,,,

تعالي معايا بقي للمثال اللي هيلم اللى شرحناه كله....

بفرض ان عندي جامعة فيها 50 كلية , وكل كلية مبني , والمبني فيه عدد كبير من الموظفين والاجهزة , محتاجين مثلا في المبني مثلاSwitches 4

طيب الSwitches 4 ازاي هيكلمو بعض ؟؟؟؟؟

هيتم رط الSwitches 4 ب Switch تاني بس Switch أقوي شوية أزكي شوية بيسمي Distribution SW

بينما ال Switch اللي بتوصل اجهزة الكمبيوتر مع بعض تسمي Access SW

ف لو جيت علي الكلية رقم 1 , والكلية رقم 2, ....لحد الكلية رقم 5

وكل كلية فيها Switches 4   يبقي 4*5 بSwitch  20 

وربطت الSwitch  20  علي الDistribution

,وهسمي المنطقة دي بالمنطقة 1

والمنطقة 2 فيها 5 مباني ل خمس كليات واربطهم برضه علي Distribution

فالبتالي لو مشينا بالنظام ده ف بقي عندي 10Distribution

ازاي distهيكلمو بعض ؟؟؟؟

عن طريق Switch ذو إمكانيات اكبر واكبر يسمي Core SW

ف الأجهزة دى لها انواع وموديلات وأنظمة تشغيل

وبعد Core SW بنطلع Internet

(إن أحسنت فمن الله، وإن أسأت أو أخطأت فمن نفسي والشيطان)

ولنا لقاء في مقال اخر.......