الجزء الثالث من كوفيد ١٩ لماذا اغلقت دور العبادة?
                                                            (العلاج في الكهف....٣ جرعات)👇🏛




كل دور العبادة إتقفلت (مـــكة , المدينة , الكنائس , كل المساجد إتقفلت.....) , بقت كل حاجة بتتعمل في البيت , بقي فيه حاجة إسمها تباعد جسدى , في الأول سموه  تباعد إجتماعي ف قالو  أن الكلمة مش كويسة  , ف قالو خلينا في تباعد جسدي , جسدي بمعني نبعد عن بعض متر أو متر ونصف.
أصبح معظم الناس بتقعد فترة كبيرة في البيوت , بقت تنزل ال(WHO) منظمة الصحة العالمية وبتتكلم أنك لازم تقعد في البيت ,
دور القعدة في البيت في علاج المشكلة , فكرة التباعد الجسدى أو الحجر الصحي بأن المرضي اللى عندهم أعراض بينفصلو ,
المهم أن الفكرة كلها بتدعو أنك تبقي مع نفسك , الحقيقة الفكرة عاملة زي الكهف .
هل الفيروس بيتخانق مع الأرض ولا هم متفقين ؟؟؟
الحكمة انك تقعد لوحدك ....الكـــــهف......
الكهف بالنسبة لنا هو شيئ مظلم , شيئ قاسي , ولغاية دلوقتي الناس بتشتكي من ده , عايز أخرج , عايز أرجع ل طبيعة الحياة اللي كنت بشتكي منها قبل كدة.
*أول إشارة ك كهف كانت في سورة عظيمة في القران الكريم وهي  سورة الكهف ,,,بتقول عبارة مهمة اوي
(فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا (16) ) , وكأن كل الرحمة انك تقعد شوية مع نفسك , تقعد شوية مع الناس اللى بتحبهم , مع الناس اللي الحب بينك وبينهم هو حب غير مشروط , يعتي إيه؟؟؟؟؟
يعني أنا المفروض أحب أولادي حب غير مشروط , المفروض أحب أمي حب غير مشروط , المفروض أحب أبي حب غير مشروط ,حب بلا مقابل أي أرجع للناس اللى بتحبك حب غير مشروط  (يَنشُرْ لَكُمْ رَبُّكُم مِّن رَّحْمَتِهِ وَيُهَيِّئْ لَكُم مِّنْ أَمْرِكُم مِّرْفَقًا (16))
دي كانت القصة لو رجعت لها هتلاقي الناس هربو من الأرض في الوقت ده ومن الفساد اللي موجود في الوقت ده ومن الجبروت ب أنهم يُفرضو عليهمم العقيدة ف أصحاب الكهف كانو من أتباع المسيح وهربو للكهف وقعدو مع نفسهم وقعدو يدبرو من أمرهم , وكان بالنسبة لهم ده رحمة , وكأن الارض بتخاطب الفيروس وتقولو (خلي الناس ترجع لأهلها ويقعدو معاهم) ,( وكان النبي (صلي الله عليه وسلم) في مَهْنَةِ أهله وكان يخيط ثوبه ويحلب شاته )
*الكهف الثاني اللى هنتكلم عنه هو غار حراء الذي كان هروباً ل فكرة التأمل , أين الله؟؟؟  ل فكرة نزول العلم للأرض .
هل إحنا عندنا إيمان أننا نربي أولادنا على أن يكون عالم , مش لازم الناس كلها تطلع لاعيبة كورة , مش لازم الناس كلها تطلع فنانين ,
ف هل بإمكان covid-19 أنو يرجع الناس للعلم , ل صيحة العلم , ل حب العلم , ل فكرة  أن العلم هو منقذ البشرية .
ف كان غار حراء بداية للقراءة , ولكن بشرط , أنو من الله , أي مش تطغي بالعلم .
*الغار الثالث كان غار (ثور) غار الهجرة 
 هذا الغار الذي كان فيه مثالاً ل فكرة ان انا عايز  أهجر كل اللى ورايا , علي الأقل أنك تهجر كل الشخصيات السامة في حياتك ,
(ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا) , أي محتاج ترجع في العزلة في الcovid-19 إلي صديق تقدر تقوله (لا تـــــحــــزن) , ويقدر يقولك (لا تحزن) , محتاجين كلنا ندور علي الصديق ده , ونؤمن ب ال3 رحلات:
(((رحلة غار الكهف اللى كان كله رحمة & رحلة غار حراء اللي كان كله علم ومعرفة الله &   وغار ثور اللى كان كله هجرة ل معني أهجر كل اللى فات ))))



 

4 تعليقات

إرسال تعليق

أحدث أقدم